下酒菜最緊要係乜?好味?賣相?

錯!係要易整,如果太麻煩,

整得黎酒興都無曬!

涼拌青瓜海蜇

 

涼拌萬歲!海蜇汆一汆,

撈埋新鮮青瓜,醃一醃,開飲!

 

琥珀花生

 

花生一直都係下菜小食長青軍,

炒、炸、烚,各有各風味,尤其配上啤酒,

簡直人間極樂。

 

鹽煎秋刀魚

 

秋刀魚,加少少鹽,兩面煎一煎,

加少少香草或檸檬汁亦別有風味。

 

葡國辣肉腸拌意粉

 

唔係長條意粉,係圓筒粉。

不過精髓係葡國辣肉腸,好惹味!

 

酥炸雞球

 

炸雞配啤酒,仲需要解釋?

炸好嘅雞球除左沾醬,灑椒或滴檸檬汁

又係截然不同嘅口味!

 

炸蟹箝

 

蟹箝令你覺得好卻步?

其實都可以出下貓,

買現成蟹肉整既。

 

雜錦涼拌

 

涼拌萬歲 X 2,因為好重要所以講兩次。

若果覺得一般涼拌太清太寡,

落雞絲或大蝦都係易配搭又好味道嘅選擇。