又到咗YOUSO DIY小教室嘅時間。唔知大家有無聽講過最近大熱嘅星空瓶呢?細細樽擺喺檯面,漸變的溫柔顏色加上閃亮亮的效果,就好似裝咗一片星空入樽咁。望一眼都覺得好治愈呀!不過坊間賣嘅星空瓶大多價格不菲,今日YOUSO小編就教大家如何製作簡易星空瓶。事不宜遲,即刻去睇下啦。

 

首先我地要準備嘅材料有:

玻璃樽一個

顏料一盒(有藍色、紫色或粉紅色即可)

棉花適量(越蓬鬆效果越好)

閃粉一樽(非必須)

 

Step 1: 準備好材料後,用顏料混合出喜愛的顏色。星空瓶以藍、粉紅色調為主,喜歡漸變效果的話可混合紫色,做出漸層效果。

 

Step2: 將顏料混合清水,然後浸入棉花。

 

Step3: 將浸滿顏料水的棉花逐層放入玻璃樽內。例如先放入藍色棉花的話,下一層應放入雪白的棉花,再放入粉紅棉花。如此類推,直到填滿玻璃樽。留意返,棉花越蓬鬆,每層間的空隙越少,效果先會靚呀!

 

Step4: 話明係星空,當然要閃閃發光先似啦。如果要做出閃亮亮的效果,記得在棉花中倒入閃粉並好好混合。

就好似咁。

 

Step5: 完成啦,係咪齋睇都覺得好治愈呢!快啲整返個擺喺屋企啦!