又到四年一度嘅世界盃。話說前幾日小編喺7-11便利店個網頁見到有唔少新品,當中就有2018俄羅斯世界盃貼紙包做緊特價。鐘意同大家分享著數嘅我地,當然拿拿聲落去7-11便利店買來同大家開心share。除咗世界盃俄羅斯貼紙包,7-11同期仲做緊買2罐110客品客薯片送限量版沙灘足球一個。究竟情況係點?我地一齊去睇睇先!

首先我地來講下薯片,薯片有分普通包裝同世界盃特別版,特別版就有原味、巴西風味同意大利薄餅味,上面印住大大個足球。小編就買咗巴西窯烤風味同意式薄餅味返公司。味道點樣就喺下文同大家報告啦,不過小編發現咗一樣好有趣嘅嘢,就係附帶嘅AR足球遊戲。

 

遊戲係期間限定,由6月13號玩到7月17號,設有豐富獎品。每週冠軍(共4名)可以得到運動家1000元現金券,每週2至10名(共45名)則可以得到品客110g薯片一箱及沙灘波一個。終極總冠軍(共1名)則可以得到Apple Watch Series 3一隻,真正係又食又玩又拿喎,一於試下先。

 

 遊戲玩法都好簡單。首先掃描薯片上的二維碼進入遊戲,然後註冊,進入遊戲。

 

 

進入遊戲之後就掃描薯片上的AR code,即是另一面的足球圖案。網頁中有詳細介紹遊戲玩法,不過豬隊友小編睇完都係唔太識玩。

 

遊戲結束後可以上傳收據,就有機會抽大獎啦!如果大家對自己嘅成績唔滿意,可以揀重新開始再來過。

 

至於文章一開始提到嘅世界盃貼紙同沙灘波,可能因為太好賣啦,結果跑咗四間7-11都買唔到。睇在小編烈日當空跑落街同大家做開箱同搵優惠嘅份上,各位觀眾唔好嬲啦(馬騮掩眼)。

 

最後應承咗大家嘅薯片試食開始啦!唔知味道如何呢?

 

望落巴西窯烤味是正常薯片色,而意式薄餅味上就有好明顯嘅紅色調味粉,打開有陣撲鼻嘅甜酸味。

 

話說巴西窯烤味其實即是巴西風情的BBQ味,BBQ得來帶住一陣香料味;而意式薄餅味就好似普通pizza味加番茄粉,酸酸地咁幾得意嘅。經過辦公室一輪試食後,都係巴西窯烤味比較搶手,大家都認為兩款味道頗為別緻。

 

 今日嘅開箱同試食報告就到呢度,如果大家有啲咩想YOUSO小編開箱或者試玩試食,歡迎喺Facebook留言同我地講!覺得好睇記得俾like呀,下次再見!