【吃冰不傷身有辦法】

阿媽成日講︰「唔好食咁多生冷嘢呀!對身體唔好!」

中醫又話,冰冷食物屬「寒性」,會傷害元氣,減慢新陳代謝速度,影響身體機能運作。

但夏天咁熱,無理由唔食雪糕唔飲汽水!

留意以下幾個小貼士,就可以大啖放心食!

 

中午時間「最好食」

中午嘅溫度最高,亦係人體「陽氣」最旺盛嘅時段,

呢個時間食凍嘢,唔使擔心令身體「寒上加寒」。

正午至下午3點,食杯雪糕嘆吓啦!

 

唔好空肚食凍嘢 

黎天王都話「唔好空肚食早餐」,原來食冰凍食物都一樣!

進食嘅食物直接影響腸胃系統,冰凍食物一落肚,腸胃未必抵受得住溫度急速變化。

建議飲凍飲、食刨冰前先食少少食物「墊胃」,

又或者正餐後隔1小時,以雪糕當作飯後甜品,咁先可以保護腸胃。

 

「慢食」代替「速食」

食冰凍食物時太急、進食量過多,

或會刺激身體令血管急劇收縮,引起頭痛。

既然咁好食,不如就慢慢食,好好品嚐味道。

3個不宜吃冰冷食物時間

1. 進行劇烈運動後,滿頭大汗、身體體溫高,即刻食凍嘢令體內快速降溫,有機會誘發頭痛,傷及腸胃。

2. 女生月經前後及經期期間,進食寒冷食物容易引起經痛。

3. 傷風、感冒、呼吸道不適時,冰冷食物會刺激氣管,可能加重病情。

文章來源: