蕉皮 止痕擦鞋好使得

當然唔係咁衰仔,教你點用香蕉皮「跣人」啦,係想分享點將蕉皮變成有用嘅清潔用品!

一. 蚊叮蟲咬止痕癢
被蚊咬真係痕到入心,忍唔到手去抓,有機會抓傷皮膚。
蕉皮當中嘅油分及「蕉皮素」,分別能夠抑制和紓緩由細菌引起嘅皮膚痕癢。
下次發現被蚊咬,除咗「打十字」和搽藥膏,如果咁啱食完香蕉,
可以用蕉皮按喺被蚊咬到嘅位置,有助即時止痕!

二. 清潔皮革
香蕉皮內側白色部分,有大量「單寧酸」,可以去除油脂和污垢,
而且喺皮革加工過程中,會用到「單寧酸」作軟化皮革之用,
所以用香蕉皮擦真皮梳化和皮革物品,可以令表面變得更加光鮮亮麗。

 

擦鞋更光潔

既然真皮梳化用得,皮鞋自然一樣用到。將蕉皮內側部分塗抹喺皮鞋上,
再用乾布輕力打圈擦拭,鞋面就會多咗一層光澤,加上蕉皮嘅纖維柔軟,
容易滲入皮革之中,摩擦後輕鬆帶走灰塵,令皮鞋更加光亮潔淨。