復活節,即刻諗到放假同埋朱古力蛋!

不過今日介紹既係真.雞蛋......菜!

雞蛋營養豐富,有助小朋友發育,而且煮法變化多端,

無論做主菜或者甜品都好味架!

 

吞拿魚長通粉沙律自製蛋黃醬

吞拿魚脂肪少、蛋白質高,具有益心臟健康既DHA及EPA。

黃燈籠椒既維他命C、車厘茄既茄紅素,有抗氧化功效,

加上兩者都含食物纖維,有助排便。另外,自製蛋黃醬能夠控制調味料份量,

符合個人口味又更加健康。多做一些蛋黃醬備用,幾時想食沙律都得啦!

 

奄列蛋包飯

雞肉脂肪較少,與雞蛋一樣有豐富蛋白質,能夠增強體力;

雞腿肉部分同時含有鐵質,可預防缺鐵性貧血問題。

使用茄汁調味,酸酸甜甜十分開胃;

媽媽更可以用茄汁在蛋皮上繪畫圖案,吸引孩子進食。

 

煎芙蓉蛋

閒時去茶餐廳食晏都會叫芙蓉蛋飯,因為「多料」(雞蛋、叉燒、竹筍肉、鮮冬菇、韭黃)又易「送飯」嘛!

整芙蓉蛋既準備工夫唔多,不過煎蛋翻面時,需要少少技巧。

自問係煎蛋高手既你,就要挑戰下喇!

 

班尼迪早餐蛋伴荷蘭汁

一個營養豐富既早餐,係每日返工返學既最佳動力!

首先來一個含碳水化合物?鬆餅,提供足夠飽足感。

建議用煙火雞腿,代替一般慣用?煙肉,能減少脂肪攝取。

雞蛋既DHA和卵磷脂對腦部有益。

 

蟹肉百花瓤雞蛋

好多人鍾意食蝦,但又覺得去殼好麻煩。將蝦肉剁成蝦泥方便進食,用黎宴客絕對唔失禮!

蝦既脂肪量較低,富含Omega 3,能預防高血壓及其他心臟疾病,

鋅質就可以增加抵抗力。至於蟹肉,唔單止有蛋白質,亦含強健骨骼和牙齒既鈣質。

 

茶葉蛋

茶葉香混合蛋香,每次行過小食店,都會不自覺地被茶葉蛋既味道吸引。

其實茶葉蛋作為Party小食都唔錯喎!

 

鳳凰球(冰花蛋球)

以麵粉同雞蛋做成既鳳凰球,一口大小,方便品嚐;

金黃色既外表再灑上砂糖,非常精緻!

 

繽紛復活蛋

復活節始終要食復活蛋「應節」!呢個以蛋糕整成既復活蛋,

美觀之餘又無朱古力蛋既卡路里咁高,

更可以用杏仁片或果仁碎代替糖粒做裝飾,咁就比較健康啦!