青衣城29000呎UA戲院開幕

 6大主題 3種技術 家庭設備 8折入會

UA院線最近進駐青衣,佔地29000呎,共6個影廳提供超過600個舒適座位,配備D-BOX、杜比全景聲及鐳射投映設備,另外亦有特設家庭客的裝置,適合一家大小欣賞電影。新張期間更有多個開幕活動及優惠,趁週末不妨帶小朋友齊齊去輕鬆一下。

大自然設計 6個主題影院

UA青衣城以大自然為設計主題,除咗大堂採用木色設計、並以樹木及樹葉嘅倒影作為點綴,共設6個影廳都有各自主題,包括水、山、花、樹、葉及石。加上大及走廊大量使用木材及柔和色調,配合樹木、樹葉倒影等元素帶來恬靜嘅舒適感,真係令人好享受、好放鬆!

6 間影院都圍繞大自然主題設計,圖中是以「水」為題的1 號院。

3種嶄新放映技術

UA青衣城配備了Laser Projection、 D-BOX、Dolby Atmos三種尖端放映技術,務求音效及畫質上,都讓影迷滿意!Laser Projection係鐳射投映技術,畫面影像更明亮清晰,為新界首間所有影廳皆採用鐳射投映機之影院;D-BOX動感電影系統,可以體驗到電影强烈的震撼效果,彷彿置身電影世界中,每個搖動都係同電影同步,大大增加投入感;而Dolby Atmos係杜比全景聲音響設備,新的音響系統可以傳遞更清晰立體的聲音,睇一些緊張刺激、特效強嘅電影就可以更投入!

特設裝置  照顧家庭客

UA青衣城座落住宅區,鄰近大型屋苑,為照顧家庭需,因此影院特別裝置唔少貼心設施,如豪華雙連座、兒童坐墊及兒童洗手間設備。小食部亦推出全新小童套餐,包括爆谷、果汁同汽水,隨餐附送小玩具及即日「爆谷無限添」,開幕期間更引入特別口味爆谷,包括全新酸忌廉味及清新番茄醬風味 !除此之外,UA青衣城更獨家設有UA Loyalty Club兒童電影優惠券,亦會舉辦合家歡活動,如動畫電影節同家庭派對。

2 院、3 院同 6 院第一排座位係「豪華雙連座」,啱哂一家大小。

開幕活動優惠

UA青衣城1月27日會舉行觀影派對,除此之外,UA Loyalty Club電影會籍即日起亦推出8折入會優惠,影迷可於UA青衣城以HK$96入會 (原價HK$120),尊享電影禮遇包括兩張免費戲票、小食及戲票折扣、積分獎賞計劃等。

 

資料及圖片來源:ua cinema及網上