麥當勞新推蠻牛辣漢堡 用App點餐有優惠

麥當勞推出「蠻牛辣漢堡」,用App買仲有優惠,啱晒一面食一面睇世界盃。

「蠻牛辣漢堡」造型非常吸睛,以足球圓麵包夾住四塊軟嫩多汁嘅辣味牛肉餅,再加上車打芝士、香煎洋蔥條同爽口生菜,配搭帶有紅椒粒嘅西班牙風味辣醬,口感十足,仲可以揀配「脆薯皇」或中薯條。由星期四(21號)至下星期三(27號),用麥當勞App買「蠻牛辣漢堡」套餐,即可以減$3,仲可以用$10買「大大杯海鹽鮮檸梳打」!

睇波又點少得小食呢,麥當勞新推嘅「球迷珍寶桶」、「脆薯皇」、「香芋批」同「脆味分享盒」就啱晒啦,只要用麥當勞App嘅麥麥送點餐服務,買$228嘅「球迷分享餐」,就可以免費獲贈6件麥樂雞!好抵食啊!記得優惠係由朝早11點至凌晨12點可以用啊。一於叫外賣,同班好姊妹一齊食住睇波!